Bugun, 30 dekabr kuni soat 08:21 da Toshkent shahrining Mirobod tumanida S. Azimov ko`chasida joylashgan ko`p qavatli 5-uyda xonadonlardan birida gaz-havo aralashmasi chaqnashi sodir bo`lgan.
Bu haqda Favqulodda vaziyatlar vazirligi xabar berdi.
Ushbu hodisada bir kishi jarohatlangan.
Voqea joyiga Favqulodda vaziyatlar vazirligi rahbariyati va boshqa ixtisoslashtirilgan tuzilmalar vakillari jo`nab ketgan.
Qo`shimcha ma`lumotlar yaqin daqiqalarda e`lon qilinadi, deyiladi xabarda.
