Ayni daqiqalarda o`tayotgan yig`ilishda davlat rahbari sog`liqni saqlash sohasiga to`xtalib, "Dok-1 Maks" preparatini qabul qilish oqibatida bolalar hayotdan ko`z yumgani bilan bog`liq vaziyatni qattiq tanqid qildi. Bu haqda Prezident Matbuot xizmati xabar bermoqda.
"Samarqand va Qashqadaryodagi bolalar o`limi sohada ishlar ahvolini, nazorat yo`qligini ko`rsatdi. Bugun Farmasevtika agentligi rahbari Karievni ishdan oldim. Bunga yo`l qo`ygan mutasaddilarning hammasi qonun oldida javob beradi!", - dedi Prezident.
