Respublika ixtisoslashtirilgan onkologiya va tibbiy radiologiya ilmiy-amaliy tibbiyot markazi direktori Mirzag`olib Tillashayxov mobil mammografiya haqida ma`lumot berdi:
– Mobil mammografiya avtomobillariga harakatlanish joyi va tezligini kuzatish uchun JPS-trekerlar o`rnatilgan.
Mobil mammografiya bilan ishlaydigan barcha shifokorlar, laborantlar va haydovchilar ro`yxati shakllantirilgan va ular uskunalarni ishlatish bo`yicha maxsus treningda qatnashib, ko`nikmalarini oshirgan.
Mammogrammalar markazlashtirilgan masofaviy birinchi va ikkinchi o`qish axborot tizimi orqali yo`lga qo`yiladi:
Birinchi o`qish hududiy filiallar shifokorlari tomonidan amalga oshiriladi. Buning uchun filiallarning rentgen bo`limiga o`rnatiladigan maxsus shifokor ish stansiyalari tashkil etildi.
Ikkinchi o`qish Onkologiya markazi shifokorlari tomonidan bajariladi. Barcha suratlar ushbu muassasa bazasidagi markaziy arxivda saqlanadi.
Shuningdek, markaz bazasida aholining bu boradagi xabardorligini oshirish maqsadida 1303 qisqa raqamli Sall-markaz tashkil etildi.
Hozir tasarrufimizda 15 ta mobil mammografiya kompleksi mavjud. Ular yordamida ko`krak bezi saratonini erta aniqlash uchun tibbiy tekshiruvlar qamrovi yanada kengayadi va ilk bor barcha hududlar mammografiya skriningi bilan qamrab olinadi.