Sog`liqni saqlash vazirligi Matbuot xizmati bergan xabarga ko`ra, hozir dunyoda “omikron” shtammining bir qator mutasiyalari dominant versiyaga aylangan. Ular kuz-qish oylarida Er yuzida koronavirus pandemiyasining yangi to`lqiniga sabab bo`ldi.
Kasallikni jilovlash uchun esa emlanishning ahamiyati hamon dolzarb. Isroil mamlakati olimlari tomonidan o`tkazilgan maxsus tadqiqot bu xulosani yana bir bor tasdiqladi.
Izlanishlar davomida “omikron” shtammiga qarshi vaksinalarning keksa yoshli insonlarga ta`siri o`rganildi. Buning uchun 622 ming nafardan ziyod bemorlarning tibbiy ma`lumotlari tahlil qilindi.
Aniqlanishicha, bunday vaksinalar oltmish besh va undan katta yoshli kishilarda koronavirus oqibatida shifoxonaga yotqizilish holatlarining oldini olishda 81 foiz samara beradi.
Shuningdek, tadqiqot asnosida emlanmagan aholi o`rtasida SOVID-19dan o`lim ko`rsatkichi vaksina olganlarga nisbatan ancha yuqori ekanligi ham ma`lum bo`ldi.
AQSh Kasalliklarni nazorat qilish va oldini olish markazi esa o`tgan oyda 18 yoshdan katta fuqarolar o`rtasida “omikron”ga qarshi vaksinalar gospitalizasiya xavfini emlanmaganlarga nisbatan 57 foizga kamaytirishini aniqlagan edi.
️Shu bois, xalqaro ekspertlar barcha aholi qatlami, jumladan, birinchi navbatda, tibbiyot va ta`lim tizimi xodimlari, keksalar, surunkali kasalliklarga chalinganlar va homilador ayollar buster doza bilan emlanishlari zarurligini tavsiya qilmoqda.
.