Jamg`armaning sobiq rahbari va MChJ rahbari pullarni talon-toroj qilishda gumonlanib, qamoqqa olingan. Bu haqda Qashqadaryo viloyati prokuraturasi matbuot xizmati xabar berdi.
“Yoshlar-kelajagimiz” jamg`armasi viloyat filialining sobiq boshlig`i Qarshi shahridagi faoliyat ko`rsatuvchi MChJ rahbari bilan jinoiy til biriktirib, o`ziga ishonib topshirilgan va ixtiyorida bo`lgan “YOSHLAR-KELAJAGIMIZ” jamg`armasi viloyat filialining 1 mlrd. 800 mln so`m pul mablag`larini o`zlashtirish va rastrata qilish yo`li bilan talon-toroj qilganligi aniqlandi.
Mazkur holat yuzasidan Qarshi shahar prokuraturasi tomonidan JKning 167 va 209-moddalari bilan jinoyat ishi qo`zg`atilib, dastlabki tergov harakatlari olib borilmoqda.
Dastlabki tergov davomida 2 nafar shaxsga nisbatan qamoqqa olish tarzidagi ehtiyot chorasi qo`llanilgan.
Tergovning borishi viloyat prokuraturasi tomonidan alohida nazoratga olingan.
