Turkiya prezidenti Rajab Toyyib Erdo`g`an vayronkor zilzilalardan jabr ko`rgan hududlarga borgani haqida xabar bergan edik.
Toyib Erdo`g`an bugun Qahramonmarash shahridagi chiqishida, Turkiyaning o`n viloyatida sodir bo`lgan zilzila oqibatlarini bartaraf etish uchun davlat barcha vositalar va imkoniyatlarni ishga solinganini ta`kidladi.
Turkiya rahbarining so`zlariga ko`ra, epimarkazi Qahramonmarash viloyati bo`lgan ikki zilzila qurbonlari soni, so`nggi ma`lumotlarga ko`ra, 8574 kishiga etgan, yana 49133 kishi jarohat olgan. 6444 ta turar-joy binosi vayron bo`lgan.
Turkiya Prezidenti epimarkazi Qahramonmarashda bo`lgan ikki zilziladan jabr ko`rgan oilalarning har biriga davlatdan 10 ming lira (taqriban 530 AQSh dollari) dan yordam olishini ma`lum qildi.
Uning so`zlariga ko`ra, tabiiy ofat zonasi aholisi, agar xohlasa, Antaliya, Alaniya va Mersindagi mehmonxonalarda qolishi mumkin.
Prezident zilziladan jabr ko`rgan 10 ta viloyat aholisini boshqa ofatlar hududida bo`lgani kabi bir yil ichida ham yangi kvartiralar bilan ta`minlashni maqsad qilganini aytdi.
Erdo`g`an vatandoshlarini falokatga qarshi birdamlik va hamjihatlikka chaqirdi.
Davlat rahbari fuqarolar, shuningdek, ommaviy axborot vositalari provokasiyalarga berilmasliklari va faqat Turkiya hukumati huzuridagi Favqulodda vaziyatlar departamenti (AFAD) tomonidan beriladigan rasmiy ma`lumotlarga ishonishlarini kerakligini aytdi.
6 fevral, dushanba kuni Turkiyaning janubi-sharqida (mahalliy vaqt bilan 04.17 da – 7,7 ball va 13.24 da – 7,6 ball) magnitudasi etti balldan ortiq bo`lgan ikkita zilzila sodir bo`ldi.
Prezident Erdog`an tabiiy ofat qurbonlari uchun mamlakatda etti kunlik milliy motam e`lon qildi. Turkiya davlat bayroqlari butun mamlakat bo`ylab yarimga hilpiratildi.
Vayronkor zilzila qo`shni mamlakatlarda, jumladan Suriya, Livan, Shimoliy Kipr Turk Respublikasi, Gresiya Kipr va Iroqda ham sezildi.