Afg`onistonda buyuk shoirimiz Alisher Navoiy yodgorliklariga zarar etkazilgani haqidagi xabarlar tarqaldi.
Tashqi ishlar vaziri matbuot kotibi Ahror Burhonov Afg`onistonda Alisher Navoiy yodgorligi buzib tashlanganiga tvitterdagi rasmiy sahifasida munosabat bildirib, yodgorlikga zarar etkazilganligi haqidagi xabarlar qayg`u bilan qabul qilinganligini bildirdi.
Qayd etilishicha, Tashqi ishlar vazirligi ushbu masala yuzasidan Afg`oniston hukumati vakillari bilan bog`langan.
Afg`onlarning ta`kidlashicha, ushbu vandalizm holati qardosh O`zbekiston bilan ko`p asrlik do`stona munosabatlarni mustahkamlash tarafdori bo`lgan hukumat rasmiy siyosatini aks ettirmaydi, noma`lum shaxslarning o`zboshimchalik va o`ylamasdan qilgan harakati natijasi bo`lgan.
Ahror Burhonovning yozishicha, Afg`oniston hukumati vakillari yodgorliklarni tiklash va umumiy merosimizga hurmat bilan munosabatda bo`lish choralarini ko`rishini ma`lum qilgan.
