Toshkent shahri Ichki ishlar bosh boshqarmasi poytaxtda joylashgan turizm namoyishi ob`ektlariga tashrif buyuruvchi xorijiy va mahalliy sayyohlar xavfsizligini ta`minlashda jamoatchi yordamchi sifatida ko`ngillilar (volontyor)ni hamkorlikka taklif qildi. Bu haqda bosh boshqarma axborot xizmati xabar bermoqda.
Bunda ko`ngillilar Xavfsiz turizmni ta`minlash boshqarmasi xodimlariga turizm namoyishi ob`ektlari va infratuzilmasi hududlarida sayyohlar xavfsizligi va jamoat tartibini ta`minlashda ko`maklashishi nazarda tutilgan.
Jamoatchi yordamchi sifatida quyidagilar jalb qilinadi:
- o`n sakkiz yoshdan qirq besh yoshgacha bo`lganlar;
- sog`ligining holati va jismoniy tayyorgarligi bo`yicha belgilangan vazifalarni bajarishga qodir;
- muqaddam sudlanmagan;
- ichki ishlar organlarining profilaktik hisobida turmagan;
- xorijiy, ustuvor ravishda ingliz va rus tillarini biladigan;
- yashash va o`qish joyi bo`yicha ijobiy tavsiflangan ko`ngillilar.
IIBB yuqorida sanab o`tilgan talablarga javob beruvchi fuqarolar +99899 010 92 42 va +99891 913 14 49 raqamlariga murojaat etishi mumkinligini bildirgan.
