Bugun harorat 20 darajagacha ko`tariladi - "O`zgidromet"

Bugun kunduz kuni O`zbekiston bo`yicha yog`ingarchilik kutilmaydi, faqat Xorazm viloyatida ertalab ba`zi joylarda biroz yomg`ir yog`ishi mumkin. Shamol 7-12 m/s tezlikda esadi, ba`zi joylarda 15-20 m/s gacha kuchayishi, ayrim joylarda chang-to`zon bilan kuzatilishi mumkin. Harorat 15-20° iliq bo`ladi.

Poytaxtimizda yog`ingarchilik kutilmaydi. Shamol 7-12 m/s tezlikda. Harorat 17-19° iliq bo`ladi.

Toshkent viloyatining tog` oldi va tog`li hududlarida ba`zi joylarda yog`ingarchilik (yomg`ir, qor) bo`ladi. Shamol 7-12 m/s tezlikda esadi, ba`zi joylarda 15-20 m/s gacha kuchayishi, ayrim joylarda chang-to`zon bilan kuzatilishi mumkin. Harorat 5-10° iliq bo`ladi.