Ijtimoiy tarmoqlarda umumiy ovqatlanish shaxobchasida yigit keksa otaxonning ustidan kulgani, masxara qilgani aks etgan video tarqaldi. Mazkur holat Samarqandda sodir bo`lgani ma`lum bo`ldi. Bu haqda Samarqand viloyati IIB matbuot xizmati xabar qildi.
Ma`lum qilinishicha, yigit holatni tasvirga olib TikTokka joylagan. IIb tomonidan "qahramon" ushlandi, unga nisbatan tegishli tartibda hujjatlar rasmiylashtirilgan. Shuningdek, holat ota-onalar ishtirokida muhokama qilingan.
“11 mart kuni ishxonamizga har kun keladigan amaki bilan hazillashdim va ijtimoiy tarmoqlarga tarqatdim. Qilgan ishimdan pushaymonman. Boshqa qaytarilmaydi. Amakidan va xalqimizdan kechirim so`rayman”, - deydi yigit.
