Hindistonda yashovchi Shanti Devi ismli ayol uchinchi farzandini dunyoga keltirganidan so`ng kam uchraydigan kasallikka chalindi, deb yozadi “1news.az”.
Ayolning bo`yi va vazni 2 barobarga kichraydi.
25 yil avval Shanti boshqalardan farq qilmaydigan ko`rinishda edi. Biroq uchinchi farzandini dunyoga keltirganidan so`ng hammasi o`zgardi. U noma`lum kasallikka chalindi. Hozir uning bo`yi 60 santimetr.
Ayol boshini, qo`l va oyoqlarini harakatlantira olmaydi. Uning qo`l va oyoqlari qotib, kichrayib ketgan. Ayolning umri to`shakka mixlangan holda o`tmoqda.
Shanti Deviga bolalari qaraydi. U 20 yildan beri mazkur noma`lum kasallikdan aziyat chekadi.
Uning aytishicha, butun badani qaqshab og`riydi.
Ayolning turmush o`rtog`i Gangacharan Kushvaxa xotini uchinchi farzandini dunyoga keltirguniga qadar sog`lig`idan shikoyat qilmaganini ma`lum qildi.
Tug`ruqdan keyin u kuchsizlanib qoldi. Ma`lum muddat o`tganidan so`ng esa u suyaklaridagi kuchli og`riqdan shikoyat qila boshladi.
Ayolning bo`yi tobora pasayib borardi. Turmush o`rtog`i uni shifokorlarga olib bordi, biroq hech kim unga aniq tashxis qo`ya olmadi.
Mahalliy terapevt Pankaj Srivastavaning aytishicha, ayol osteogenez kasalligiga chalingan. Kam uchraydigan bu kasallik “billur odam kasalligi” deb ham ataladi. Bunda suyaklarda kollagen etishmasligi tufayli ular sinuvchan bo`lib qoladi.
