Bir qarashda fransiyalik Luis Delajning instagram-akkaunti boshqalarnikidan hech narsasi bilan farq qilmaydi.
Luis instagramda avgust oyida ro`yxatdan o`tdi va bir necha kun ichida uni o`n minglab kuzatuvchilarga ega bo`ldi. Suratlarda qiz o`zining yorqin va tashvishsiz hayotini namoyish qiladi: dengizlarda sayr, do`stlar bilan uchrashuv, do`kon va restoranlarga sayr.
Go`yoki Luisning hayotida hammasi risoladagidek, faqat bitta kichkina jihati bor. Siz uni sezdingizmi? Hamma suratda alkogol ichimligi bor.
Deyarli har bir suratda uning qo`llarida ichimlik turganini yoki Luis uni iste`mol qilayotganini ko`rish mumkin. Hatto qo`lida hech narsa yo`qligida ham, spirtli ichimlik barbir kadrda bor.
Ba`zida alkogolni bir qarashda payqash qiyin, ammo u barbir bor. Bu holat qizning o`zi bilmagan jiddiy muammosi bor deganimi?
Unchalik emas. Gap shundaki, Luis Delajning profili haqiqiy emas. U reklama agentligi tomonidan yoshlarni alkogolizm xavfidan ogohlantirish maqsadida ishlab chiqilgan ijtimoiy kampaniya doirasida yaratilgan bo`lib chiqdi.
Reklama agentligi prezidentining ma`lumotlariga ko`ra, yaqin insoningizda alkogol bog`liqlikni payqash tuyulgani kabi oson emas. Buni qanday boshlanishini ko`rsatish uchun ushbu instagram-akkaunt yaratildi, dastavval bundan hech kim hatto shubhalanmadi ham.
Aksariyat kuzatuvchilarga qizning hayoti juda go`zalday tuyulardi, biroq alkogol bog`liqlik borligini aslida payqash murakkab emasdi. Boshqacha qilib aytganda, tajriba ish berdi. Luis Delaj alkogolizmi insonni o`zi anglamagan holda insonlarning hayot tarziga aylanib qolishi mumkinligini isbotladi.
«Ushbu kampaniya ayrim insonlarning ko`zini ochib, vaqtida bu yo`ldan qaytishiga yordam berishidan umidvormiz», — deya ta`kidlaydi reklama agentligi vakillari.
25.04.2024, 07:33
Xitoyning Xenan provinsiyasidagi chakana savdo tarmog`i asoschisi Yu Donglay xodimlarga ish va hayot muvozanatini yaxshilashga yordam berish uchun “baxtsiz ta`til” kunlarini joriy qildi, deb yozadi...01.04.2024, 16:31
Ijtimoiy tarmoqlarda Solixon domla nomi bilan tanilgan Solixon Ortiqxo`jaev 15 sutkaga qamaldi. Bu haqda Toshkent shahar sudlari Darakchi.uz ga xabar berdi.2024 yil 30 mart Toshkent...21.02.2024, 17:28
Xabaringiz bor, 2024 yil 1 fevral kuni “Pedagogning maqomi to`g`risida”gi Qonun imzolandi. Undagi pedagoglar uchun eng asosiy o`zgarishlardan biri – endi maktabga yangi ishga kirgan...13.02.2024, 09:36
Tvitterda Majin Bu taxallusi ostida yashiringan taniqli Apple insayderi yangi avlod iPhonelari haqida yangi ma`lumotlar bilan bo`lishdi. Insayder xabaridan ma`lum bo`lishicha, kompaniya bir vaqtning o`zida...