BMT bosh kotibi Pan Gi Mun dunyoning 65 ta mamlakatida terrorchilik harakatlarini sodir etgan jinoyatchilarga nisbatan qo`llanayotgan o`lim jazosiga qarshi chiqdi, deb xabar berdi “Tengrinews.kz” nashri.
Bunga xalqaro o`lim jazosiga qarshi kurash kuni sabab bo`ldi. BMT bosh kotibining so`zlariga qaraganda, terrorchilik tufayli sudlangan jinoyatchilarni harbiy va maxsus sudlar shoshilinch ravishda sud qilib, adolatsizlik bilan hukm chiqarmoqda. “XXI asrda o`lim jazosiga o`rin yo`q. Terrorizmga qarshi kurashda xavfsizlikni ta`minlash bo`yicha o`tkaziladigan barcha chora-tadbirlar inson huquqlariga va qonun ustivorligiga asoslanishi kerak”, dedi Pan Gi Mun o`z nutqida.
U odamlarning o`lim jazosi bilan terrorizmga qarshi kurashish mumkin, degan fikriga qo`shilmadi. Pan Gi Munning ta`kidlashicha, terrorchilarni qatl etish uning izdoshlariga tashviqot maqsadida xizmat qilishi mumkin.
BMT bosh kotibi hammani har qanday sharoitda, har qanday joyda o`lim jazosini bekor qilishga chaqirdi.
2015 yil yakuniga ko`ra 1634 nafar sudlanuvchiga nisbatan o`lim jazosi qo`llangan. Bu so`nggi 27 yil ichidagi eng yuqori ko`rsatkichdir. 89 % o`lim jazosi Eron, Pokiston va Saudiya Arabistoniga to`g`ri keladi. Bu ro`yxatga aniq ma`lumotlarni yashirgani uchun Xitoy kiritilmagan.
26.07.2017, 12:24
O`zbekiston Respublikasi Prezidenti Shavkat Mirziyoev Pokiston hamda Afg`oniston Islom Respublikalari rahbarlariga maktub yo`lladi. Ularning matni TIV rasmiy saytida e`lon qilindi. Xususan, Pokiston Islom Respublikasi Prezidenti...
05.07.2017, 12:02
Liviya poytaxti Tripoli shahar plyajiga raketa tushishi oqibatida 5 kishi halok bo`ldi, 25 kishi yaralandi, deb xabar berdi Vesti.ru nashri.Voqea 4 iyul kuni Mitiga aeroporti...
30.06.2017, 10:59
Kecha Parij yaqinida joylashgan Kretey shahridagi machitga kelgan odamlarga avtomashinada hujum qilmoqchi bo`lgan terrorchining niyati amalga oshmadi, deb xabar berdi Ntv.ru nashri. Avtomashina haydovchisi machitdan...
21.06.2017, 10:29
Filippin janubida “Islom davlati” terrorchilik guruhi bilan yaqin aloqada bo`lgan jangarilar maktabga hujum qildi, deb xabar berdi Ria.ru nashri. Polisiya bergan ma`lumotga ko`ra, jangarilar o`quvchilarni...
