Rayhonning kadr ortidagi g`alati xatti-harakatlari muxlislarning keskin tanqidlariga sabab bo`ldi(Video)

Xonanda Rayhon telekanallardan birida boshlovchilik qilayotganidan xabaringiz bor. Kuni kecha xonanda o`zining ijtimoiy tarmoqlardagi sahifalariga ko`rsatuv suratga olish jarayoni aks ettirilgan video joyladi. Mazkur videoda Rayhon o`zbek tilidagi bir-ikki jumlani to`g`ri talaffuz qilolmagani, natijada esa kulguli vaziyat yuzaga kelganini ko`rish mumkin. Aslida xazil tariqasida amalga oshirilgan mazkur xatti-harakatlar xonandaning muxlislari tomonidan keskin tanqidlarga uchradi. Rayhonni kuzatib borayotgan internet foydalanuvchilari ikki guruhga bo`linib, videoni muhokama qila boshladi. Ularning bir guruhi mazkur rolikda xonandaning harakatlari o`ziga yarashganini aytsa, boshqalar uni keskin qoralamoqda. 

“Bu nimasi? O`zbek tiliga bo`lgan behurmatlikku!”, deb yozadi foydalanuvchilardan biri. 

“Sharmanda, qariyb 40 yoshdasiz. Haliyam o`zbek tilida tuzukroq gaplashishni bilmaysiz” ,—deydi xafsalasi pir bo`lgan muxlis.

Xonandaning o`zi bu kabi tanqidlarga quyidagicha javob berdi: 

“Ba`zan shunday qo`pol izohlarga duch kelaman va hayron qolaman. Inson qay darajada boshqa bir tanimagan insonidan bu darajada nafratlanishi mumkin? Nahotki, tushunmasangiz, hammasi o`zingizga qaytadiku? Menga emas, sizga. Mendan esa faqat gunohlarimni olasiz. Buning uchun sizlardan minnatdorman. Sizga, mendan nafratlanuvchilarga baxt va muhabbat tilayman! Sizning har biringizni hurmat qilaman va chin dilimdan sevaman!”