Markaziy saylov komissiyasida saylovga tayyorgarlik ko`rish bilan bog`liq masalalar ko`rildi

Jamiyat 13.10.2016, 17:03
Teglar: 2016 yil, Saylov
Markaziy saylov komissiyasida saylovga tayyorgarlik ko`rish bilan bog`liq masalalar ko`rildi

2016 yilning 13 oktyabr kuni O`zbekiston Respublikasi Prezidenti saylovini yoritish bo`yicha Respublika matbuot markazida Markaziy saylov komissiyasining majlisi bo`lib o`tdi. Uni Komissiya raisi M. Abdusalomov boshqardi.

Videokonserensaloqa shaklida o`tgan majlisda O`zbekiston Respublikasi Prezidenti saylovini o`tkazuvchi okrug saylov komissiyalari a`zolari, saylovda ishtirok etayotgan siyosiy partiyalar va ommaviy axborot vositalari vakillari qatnashdi.

Majlisda saylovga tayyorgarlik ko`rish bilan bog`liq masalalar ko`rib chiqildi. Komissiya a`zolari O`zbekiston Respublikasi Prezidenti saylovini o`tkazuvchi uchastka saylov komissiyalari faoliyatini samarali tashkil qilish masalalariga bag`ishlangan tadbirlar rejasini muhokama qildi.

Qayd etilganidek, saylovga tayyorgarlik ko`rish va uni yuqori tashkiliy saviyada o`tkazishda uchastka saylov komissiyalari zimmasiga katta mas`uliyat yuklanadi. Shu bois Markaziy saylov komissiyasi, okrug saylov komissiyalari va Fuqarolik jamiyati shakllanishini monitoring qilish mustaqil instituti tomonidan saylov komissiyalari a`zolarining huquqiy bilimlarini yanada yuksaltirish hamda ularning saylov komissiyalari faoliyatini samarali tashkil qilish bo`yicha ko`nikmalarini mustahkamlashga yo`naltirilgan seminar-treninglar tashkil etish rejalashtirilmoqda.

Tadbirlar respublika onlayn seminar-treningi, shuningdek, uchastka saylov komissiyalari a`zolari ishtirokida hududiy seminar-treninglar shaklida o`tkazilishi mo`ljallangan. Bunda uchastka saylov komissiyalari faoliyatining tashkiliy-huquqiy asoslari, saylov uchastkalarini jihozlash, saylovchilar ro`yxatini tuzish va unga o`zgartishlar kiritish, muddatidan oldin ovoz berishni hamda saylov kuni ovoz berishni tashkil qilish, kuzatuvchilar instituti ahamiyati, ommaviy axborot vositalarining saylov jarayoni ochiqligi va oshkoraligini ta`minlashdagi roli singari muhim jihatlarga alohida e`tibor qaratiladi.

Majlisda Markaziy saylov komissiyasi vakolatlariga taalluqli boshqa masalalar ham muhokama qilindi. Ko`rib chiqilgan barcha masalalar bo`yicha Markaziy saylov komissiyasining tegishli qarorlari  qabul qilindi.

Sharhlar

Shavkat Mirziyoev Putinni saylovdagi g`alabasi bilan tabrikladi

18.03.2024, 10:51

O`zbekiston Respublikasi Prezidenti Shavkat Mirziyoev Rossiya Federasiyasi Prezidenti Vladimir Putinni bo`lib o`tgan Prezident saylovida qozongan ishonchli g`alabasi bilan tabrikladi. Bu haqda Prezident matbuot xizmati xabar...
Angolada prezidentlik saylovida Joau Lourenso 51.08 foiz, muxolifatchi Adalberto Kosta Junior 44.05 foiz ovoz to`pladi

26.08.2022, 10:19

24 avgust kuni Angolada prezidentlik hamda parlament saylovlari bo`lib o`tdi. Bu haqda O`zbekiston Markaziy saylov komissiyasi xabar qildi. Ma`lum qilinishicha, Angolada parlament saylovi 2 xil tarzda...
Xalqaro “Media-xoll”: shaffoflik, xolislik va tezkorlik

15.10.2021, 19:31

O`zbekiston Elektron Ommaviy axborot vositalari milliy asossiasiyasi boshqaruv raisi Firdavs Abduholiqov tashkil etilgan “Media xoll” haqida quyidagilarni so`zlab berdi:—   14 oktyabr kuni O`zbekiston Elektron Ommaviy Axborot Vositalari...
Buzib qo`yilgan saylov byulletenini yangisiga almashtirish mumkinmi?

12.10.2021, 11:32

Xabaringiz bor, O`zbekiston Respublikasi Prezidenti sayloviga roppa-rosa 12 kun qoldi. Tabiiyki, bu davrda insonlarda turlicha savollar tug`iladi. Markaziy saylov komissiyasi shunday savollardan biriga javob berdi.– Saylov byulleteni...
Ob-havo: Toshkent
Valyuta kursi
1