Nurliyo`l, Xonobod 1-tor va Qipchoq ko`chalarining bir qismi vaqtincha yopilmoqda. Bu haqda Toshkent shahar hokimligi xabar berdi.
Bunga Toshkent metropolitenining er usti halqa liniyasida qurilish ishlari olib borilayotganligi sabab bo`lgan.
Shu munosabat bilan 19 iyul kuni soat 15:00 dan 21 iyul 21:00 ga qadar Nurliyo`l ko`chasining THAY bilan kesishmasidan Xonobod 1-tor va Qipchoq ko`chalari bo`ylab Yangi Sergeli va Qipchoq ko`chalari kesishmasigacha bo`lgan oraliqdagi yo`l vaqtincha to`liq yopiladi.
Noqulayliklar uchun haydovchilardan uzr so`ralib, aylanma yo`llardan foydalanishlari tavsiya etilmoqda.
