- Kuniga besh-olti marta ovqatlaning. Ayniqsa, har emizishdan oldin oziqlansangiz, sut kelishi ancha jadallashadi. Lekin juda to`yguncha emang.
- Ba`zilar sut ko`payishi uchun emizayotganda oyoqni issiq suvga solishni maslahat berishadi. Lekin unutmaslik kerakki, varikoz kasalligi mavjud bo`lgan ayollarga bu usulni qo`llash mumkin emas.
- Tungi emizishlar ham bu borada juda foydali. Chunki tunda prolaktin gormoni ko`p miqdorda ishlab chiqariladi. Bu gormon esa sut ishlab chiqarishga javobgar. Shuning uchun kechasi emizish sut ko`payishiga yordam beradi.
- Emizikli ona imkon qadar ko`p suyuqlik ichishi kerak (2 litrdan kam bo`lmasin). Aytishlariga qaraganda, emizishdan yarim soat oldin bir stakan suv ichgan onaning suti ko`payadi.
- Ayolning etarlicha dam olishi, toza havoda ko`proq bo`lishi, shuningdek, ruhiy holati ham sut miqdoriga ta`sir qiladi. Go`dak uchun sut etarli bo`lishi onaning ruhiy xotirjamligiga ham bog`liq.
- Arpabodiyon damlamasi bu borada mashhur. Bir stakan qaynoq suvga ikki choy qoshiq arpabodiyon urug`i solinib, bir soat damlab qo`yiladi. Kuniga 3-4 mahal ovqatlanishdan yarim soat oldin sovitilgan holda 2 osh qoshiqdan ichiladi. Bunda ham bolaga ta`sirini albatta kuzating.
- Kichkintoyingizga ko`proq ko`krak tutishga harakat qiling. Chunki aynan so`rg`ich aylanasidan miyaga bola ko`krakni so`rayotgani va unga sut etkazib berish kerakligi haqida signal boradi.
- 1 stakan qaynatilgan suvga 1 osh qoshiq shivit urug`i solib, 2 soat tindiriladi. Kuniga 6 mahal 1 osh qoshiqdan ichiladi.
19.10.2016 11:54
109280
