1-sinfga boradigan o`quvchilar uchun “Prezident sovg`asi” jamlanmasini maktablarga etkazib berish boshlandi. Bu haqda Maktabgacha va maktab ta`limi vazirligi matbuot xizmati xabar qildi.
Bu yil 1-sinfga chiqishi rejalashtirilgan 732 960 nafar bolalar uchun “Prezident sovg`asi" xaridi amalga oshirilib, tuman bo`limlari orqali hududlarga etkazilmoqda.
1-sinf o`quvchilariga beriladigan “Prezident sovg`asi” tarkibida 12 turdagi o`quv qurollari mavjud:
O`quvchi sumkasi
12 dona daftar
Rasm daftari
Akvarel bo`yoqlari
Rangli qog`oz
Qalamdon
Sharikli ruchka
Rangli qalam
2 dona oddiy qalam
Plastilin
Elim
2 dona o`chirg`ich
“Prezident sovg`asi” joriy yilning 25-avgustiga qadar Vazirlikning adm.maktab.uz elektron bazasiga kiritilgan bolalar soniga mos ravishda umumta`lim maktablariga etkaziladi.
