Buxoro viloyati G`ijduvon tumani hokimligi “G`ijduvon shashlik”ni patentladi. Bu haqda tuman hokimi Sherzod Ashurov O`zbekiston mustaqilligining 32 yilligi munosabati bilan tumanda o`tkazilgan bayram tadbirida aytib o`tgan.
Hokimning so`zlariga ko`ra, endi qaysidir ovqatlanish markazi ushbu turdagi shashlikni pishirish va sotishni istasa, kelib tuman hokimligidan ruxsat olishi va to`lov qilishi kerak.
“Mana, Hindiston o`zining kosmik kemasini oyga uchirdi-ku. Biz g`ijduvonliklar, albatta, oyga etib boramiz. Ana o`sha erda biz “G`ijduvon shashlik”ni pishiramiz”, dedi tuman hokim.
