Бухоро вилояти Ғиждувон тумани ҳокимлиги “Ғиждувон шашлик”ни патентлади. Бу ҳақда туман ҳокими Шерзод Ашуров Ўзбекистон мустақиллигининг 32 йиллиги муносабати билан туманда ўтказилган байрам тадбирида айтиб ўтган.
Ҳокимнинг сўзларига кўра, энди қайсидир овқатланиш маркази ушбу турдаги шашликни пишириш ва сотишни истаса, келиб туман ҳокимлигидан рухсат олиши ва тўлов қилиши керак.
“Мана, Ҳиндистон ўзининг космик кемасини ойга учирди-ку. Биз ғиждувонликлар, албатта, ойга етиб борамиз. Ана ўша ерда биз “Ғиждувон шашлик”ни пиширамиз”, деди туман ҳоким.
