Tashki reklama va ijtimoiy axborotning aylanish sohasidagi munosabatlarni tartibga solishni yanada takomillashtirish chora-tadbirlari to`g`risida prezident qarori qabul qilindi.
Qarorga ko`ra, 2023 yil 1 dekabrdan boshlab tashki reklama bozori ishtirokchilari uchun teng sharoitlar yaratish xamda sohada shaffoflikni ta`minlashga qaratilgan “Tashki reklama” raqamli monitoring elektron tizimi joriy etiladi.
Davlat mulki bo`lgan er uchastkalarida, bino hamda inshootlarda tashqi reklama va axborot ob`ektlari (konstruksiyalari) uchun reklama joyining pasporti hamda ularni o`rnatish uchun shartnomalar ommaviy oferta shaklida E-auksion elektron savdo platformasining yagona elektron savdo maydonchasida g`olibga avtomatik tarzda beriladi.
Shuningdek, xususiy binolar va transport vositalariga (yo`nalishli avtobuslar bundan mustasno) qo`yilgan tashqi reklama uchun reklama joyining pasporti YaIDXP orqali beriladi.
Davlatga tegishli bo`lgan erlar, bino va inshootlarda tashqi reklama uchun ijara haqi Toshkentda 1 kv.metr uchun BHMning 20 foizi, Qoraqalpog`iston va viloyat markazlarida 10 foizi, boshqa hududlarda esa 7 foizi miqdorida bo`ladi. Transport vositalarida tashqi reklamalarni joylashtirish uchun yig`im ularning toifasidan kelib chiqib belgilanadi.
Qayd etilishicha, amal qilish muddati belgilanmagan reklama joyi pasportlarining amal qilish muddati davlat mulki bo`lgan bino va inshootlar uchun 2024 yil 1 dekabrgacha va er uchastkalari uchun 2030 yil 1 dekabrgacha etib belgilandi.
