Toshkent shahrining Olmazor tumanida daraxtlar drel yordamida kesib ketildi. Bu haqda Ekologiya, atrof-muhitni muhofaza qilish va iqlim o`zgarishi vaziri maslahatchisi Rasul Kusherboev ma`lum qildi.
Qayd etilishicha, Chilto`g`on (Taxtapul) mahallasida tadbirkor qurilish qilmoqchi bo`lgan. Biroq mahalla ahli va ekologlar bu erdagi daraxtlarning kesilishiga qarshi chiqqan.
“Kesishning imkoni bo`lmagach, atrof o`ralib, ko`zdan pana holda daraxtlarning tubi teshilib, daraxtni quritadigan suyuqliklar quyilgan. Buni daraxtlarga qarshi suiqasd deyish mumkin”, deydi sobiq deputat.
Ma`lum qilinishicha, daraxtlarni drel yordamida teshib quritganlarga qarshi prokuratura tomonidan jinoyat ishi qo`zg`atilgan.
Daraxtlarning quritilishi oqibatida tabiatga etkazilgan zarar miqdori 534 mln so`mni tashkil etmoqda.
Hozirda tergov harakatlari olib borilmoqda.
