Toshkent shahar Ekologiya boshqarmasi matbuot xizmatining xabariga ko`ra, poytaxtda qurilish olib borayotgan "ASCENDANT GROUP" MChJ daraxt va butalarga shikast etkazish javobgarlikka sabab bo`lishi mumkinligi to`g`risida ogohlantirilib, qurilish maydonidagi jami 30 tup daraxt xatlovdan o`tkazilgan. Biroq qurilish ishlarini olib borish jarayonida qonun buzilishi holatiga yo`l qo`yilganligi aniqlangan.
Qayd etilishicha, hududdagi 3 tup o`rik, 2 tup gilos, 1 tup xurmo daraxtlari hamda 3 tup chinor, 1 tup shumtol daraxtlarining o`sishdan to`xtaydigan darajada shikastlantirilganligi ma`lum bo`lgan.
Oqibatda tabiatga etkazilgan zarar 248 mln 94 ming so`mni tashkil etgan.
Hozirda mazkur holat yuzasidan to`plangan hujjatlar Prokuratura organlariga taqdim etilgan.
