"KamAZ" haydovchisi 12 sentyabrga o`tar kechasi Dzerjinsk shahridagi 2-sonli ichki ishlar bo`limini yo`q qilishga uringan. Bu haqda Rossiya Ichki ishlar vazirligining Nijniy Novgorod viloyati bo`yicha bosh boshqarmasi matbuot xizmati xabar berdi.
Ma`lum bo`lishicha, haydovchi yuk mashinasini binoga haydab borgach, polisiya bo`limining deraza va eshiklarini urib tushira boshladi. Ichki ishlar vazirligi ma`lumotlariga ko`ra, bino shikastlangan, biroq deraza va eshiklar zarbalarga bardosh bergan.
Voqea sodir bo`lganidan keyin haydovchi voqea joyidan qochib ketgan. Erkak ikki soatdan keyin Kstovskiy tumanida topildi. U qochmoqchi bo`lgan va uni to`xtatish uchun polisiya o`q uzishni boshlagan. Yakunda ular haydovchini qo`lga olishga muvaffaq bo`lishgan. Viloyat Tergov qo`mitasi ma`lumotiga ko`ra, haydovchi 36 yoshli O`zbekiston fuqarosi Jonibek Javliev bo`lib chiqqan. Erkak nima uchun polisiya binosiga hujum qilganini tushuntira olmagan. Holat yuzasidan "Bezorilik" moddasi bo`yicha jinoyat ishi qo`zg`atilgan.
