Ijtimoiy tarmoqlarda Farg`ona viloyatining Marg`ilon shahrida bir yigit qizni majburlab mashinaga solib, olib ketmoqchi bo`lgani aks etgan video tarqaldi.
Tasvirda ko`rinishicha, piyodalar yo`lagida ketayotgan qiz orqasidan bir yigit kuzatib borib, Lacetti rusumli avtomobilga o`tkazmoqchi bo`lgan. Qiz qarshilik qilib, odamlardan yordam berishlarini so`rab baqira boshlagan.
Qizni avtomobilga o`tkazolmagan yigit mashinaga o`tirib ketgan.
Voqea yuzasidan Farg`ona viloyati Ichki ishlar boshqarmasi axborot xizmati boshlig`i Usmonjon Sharipov izoh berdi.
“Gumondor shaxslar Marg`ilon shahri Ichki ishlar bo`limiga chaqirtirilib, ularning shaxsiga oydinlik kiritilgan. Holat Farg`ona viloyati Ichki ishlar boshqarmasi tomonidan nazoratga olingan” — dedi Usmonjon Sharipov.
Holat yuzasidan viloyat IIB qo`shimcha ma`lumot berilishini ma`lum qildi.
