Pastdarg`om tumanidagi "fast food" sotish faoliyati bilan shug`ullanuvchi “Merals” MChJ faoliyatiga chek qo`yildi. Bu haqda Sanepidqo`mita Axborot xizmati xabar bermoqda.
Ma`lum qilinishicha, joriy yilning 13 sentyabr kuni bir nechta fuqarolar tuman tibbiyot birlashmasiga ko`ngil aynishi, qayt qilishi va boshqa og`riqlar bilan murojaat qilishgan.
Holat o`rganilganda ushbu fuqarolar Pastdarg`om tumanidagi “Merals” MChJdan fast-food iste`mol qilgani aniqlandi.
Hozirda mazkur holat Sanepidqo`mita tomonidan to`liq nazoratga olinib, surishtiruv va o`rganish ishlari olib borilmoqda.
Eslatib o`tamiz, 13-14 sentyabr kuni Toshkent viloyati Angren shahridagi 1-sonli bog`chada 3 nafar, 10-sonli bog`chada 14 nafar hamda 37-sonli bog`chada bir nafar tarbiyalanuvchilar birlamchi ich buzilishi tashxisi bilan shifoxonaga tushgani haqida xabar berilgan edi.
