Пастдарғом туманидаги "fast food" сотиш фаолияти билан шуғулланувчи “Мералс” МЧЖ фаолиятига чек қўйилди. Бу ҳақда Санэпидқўмита Ахборот хизмати хабар бермоқда.
Маълум қилинишича, жорий йилнинг 13 сентябрь куни бир нечта фуқаролар туман тиббиёт бирлашмасига кўнгил айниши, қайт қилиши ва бошқа оғриқлар билан мурожаат қилишган.
Ҳолат ўрганилганда ушбу фуқаролар Пастдарғом туманидаги “Мералс” МЧЖдан fast-food истеъмол қилгани аниқланди.
Ҳозирда мазкур ҳолат Санэпидқўмита томонидан тўлиқ назоратга олиниб, суриштирув ва ўрганиш ишлари олиб борилмоқда.
Эслатиб ўтамиз, 13-14 сентябрь куни Тошкент вилояти Ангрен шаҳридаги 1-сонли боғчада 3 нафар, 10-сонли боғчада 14 нафар ҳамда 37-сонли боғчада бир нафар тарбияланувчилар бирламчи ич бузилиши ташхиси билан шифохонага тушгани ҳақида хабар берилган эди.
