Futbol sharhlovchisi Davron Fayziev “Al Hilol” bosh murabbiyi Jorje Jezushning keskin fikrlagriga javob qaytardi.
Xabaringiz bor kuni kecha OChL 1-tur doirasida “Al Hilol” – “Navbahor” uchrashuvi bo`lib o`tdi. O`yinda dastlab mezbon “Navbahor” futbolichisi Toma Tabatadze 52 daqiqada hisobni ochgan bo`lsa, “Al Hilol” futbolchisi 90+10 daqiqada hisobni tenglashtirishga muvaffaq bo`ldi.
Uchrashuvdan so`ng “Al Hilol” bosh murabbiyi Jorje Jezush “Navbahor” haqida keskin fikrlar bildirdi.
“O`yin qiyin bo`ldi. Har daqiqada raqib futbolchisining maydonda yotgani sababli o`yin tempi tushib ketdi. Bir vaqtning o`zida 2-3 nafar futbolchi maydonda yotibdi, men bunday futbolga o`rganmaganman.
Bugungi natija meni umuman xavotirga solmaydi, chunki biz bugun futbol ko`rmadik. Men bunday zerikarli va kulguli futbol o`ynab ko`rmaganman. Men 35 yillik faoliyatimda “Navbahor”dek vaqtni cho`zib, anti-futbol o`ynaydigan jamoani ko`rmaganman.
Biz futbol o`ynashni xohlamaydigan jamoaga qarshi bahs olib bordik. Barcha hakamning harakatlarini ko`rdi, uning darajasi raqibimiz bilan bir xil ekan”, - dedi murabbiy.
Bunga javoban futbol sharhlovchisi Davron Fayziev esa
“Al Hilol bosh murabbiyi Jorje Jezush o`yindan keyin emosiyaga berilib gapiribdi shekili. 35 yillik faoliyatimda bunday vaqt cho`zishni ko`rmaganman debdi. Biz, osiyolik muxlislar bu gapga shunchaki kulib qo`ydik. Hakam saviyasi raqibga yarasha debdi. Bu esa hurmatsizlik. O`zi shundog`am Osiyoda eng kuchlilardan bo`lgan jamoang transferlar uchun yana 300 million sarfladi, agar shu sharoitda ham himoyaviy futbolga qarshi chora qo`llashni bilmasang, demak nimanidir noto`g`ri qilyapsan. Hakam bitta jiddiy xato qildi, Neymarga qizil bermadi”, - deya o`zining rasmiy kanalida post qoldirdi.
