Turkiyada Bi-bi-si jurnalistlari tomonidan o`tkazilgan tekshiruvda Britaniyaning Marks & Spencer (M&S) magazinlar tarmog`iga kiyim etkazib beruvchi korxonalarda suriyalik qochoqlarning voyaga etmagan farzandlari ishlashi aniqlandi, deb xabar berdi “Ria.ru” nashri.
Bu bolalarning ba`zilari endigina 15 yoshga kirgan bo`lib, ular fabrikada himoya choralarisiz 12 soatlab turli kimyoviy vositalar bilan ishlagan.
“Bizga kiyim etkazib berilayotgan korxonada suriyalik voyaga etmagan bolalarning ishlashini eshitib, hayratga tushdik. Bu jiddiy muammo va bunga yo`l qo`yib bo`lmaydi”, deb ma`lumot berdi M&S kompaniyasi vakili.
Korxona bilan hamkorlik qilgan xalqaro ASOS onlayn-riteyleri ham bu voqeadan bexabarligini ta`kidlagan. Hozirgi kunda Turkiya hududida uch milliondan ortiq suriyalik qochoqlar istiqomat qilmoqda.
