Armaniston bosh vaziri Nikol Pashinyan va Ozarbayjon prezidenti Ilhom Aliev 5 oktyabr kuni Ispaniyaning Granada shahrida bo`lib o`tadigan Evropa siyosiy hamjamiyatining sammitida uchrashadi. Bu haqda Armaniston Xavfsizlik kengashi Fasebookdagi sahifasida ma`lum qilgan.
“Biz Hojiev (Alievning yordamchisi Hikmet) bilan 5 oktyabr kuni Granadada bo`lib o`tadigan etakchilar uchrashuviga tayyorgarlik ko`ryapmiz”, — deyiladi Xavfsizlik kengashi bayonotida.
Davlat rahbarlari vakillari 26 sentyabr kuni Bryusselda uchrashib, muzokaralar kun tartibini muhokama qiladi. Armaniston bosh vaziri Nikol Pashinyan, Ozarbayjon prezidenti Ilhom Aliev, Fransiya prezidenti Emmanuel Makron, Germaniya kansleri Olaf Shols va Evropa kengashi rahbari Sharl Mishel ishtirokida besh tomonlama yig`ilish rejalashtirilgan.
Ozarbayjon operasiyasi boshlanishidan ikki kun avval, 17 sentyabr kuni Pashinyan Granadadagi besh tomonlama uchrashuvda Boku bilan tinchlik shartnomasi imzolanmasligini aytgan edi. “Agar hujjat imzolanishi nazarda tutilgan bo`lsa, bu biz ushbu hujjat Armanistonning mutanosib manfaatlariga mos kelishiga ishonganimizni bildirgan bo`lar edi va biz uni imzolashga tayyormiz”, — dedi bosh vazir. Biroq, uning aniqlik kiritishicha, ikki davlat o`rtasida 2023 yil oxirigacha tinchlik o`rnatilishi ehtimoli bor.
23 sentyabr kuni Aliev ikki davlat uchun tinchlik shartnomasini tuzish uchun “ko`proq qulay imkoniyatlar” borligini aytdi. Uning so`zlariga ko`ra, Ozarbayjon hukumati Qorabog`dagi ijtimoiy, gumanitar, iqtisodiy va infratuzilmaviy muammolarni hal qilish uchun ishchi guruh tuzgan. Shuningdek, u Evropa Ittifoqini mintaqaviy hokimiyat bilan reintegrasiya bo`yicha muzokaralar haqida ma`lum qildi.
