O`zbekiston delegasiyasi Osiyo o`yinlarida bugungi kun hisobidan ilk medalni qo`lga kiritdi. 10 metrga pnevmatik miltiqdan otish bo`yicha aralash jamoaviy dasturda ishtirok etgan Javohir Sohibov va Muxtasar Tohirova juftligi kumush medalga ega chiqdi.
Saralashdan ikkinchi natija bilan o`tgan o`zbekistonlik merganlar oltin medal uchun kechgan bahsda xitoylik juftlikka imkoniyatni boy berib qo`ydi.
