Ўзбекистонлик ўқ отувчилар кумуш медални қўлга киритди

Ўзбекистон делегацияси Осиё ўйинларида бугунги кун ҳисобидан илк медални қўлга киритди. 10 метрга пневматик милтиқдан отиш бўйича аралаш жамоавий дастурда иштирок этган Жавоҳир Соҳибов ва Мухтасар Тоҳирова жуфтлиги кумуш медалга эга чиқди.

Саралашдан иккинчи натижа билан ўтган ўзбекистонлик мерганлар олтин медаль учун кечган баҳсда хитойлик жуфтликка имкониятни бой бериб қўйди.