Kungaboqar yog`i — E vitaminining asosiy manbai. Ateroskleroz kasalligidan himoyalaydi. Yana jigar, qon-tomirlari va asab tolalarini mustahkamlaydi.
Zaytun yog`i — o`simlik yog`lari ichida eng foydalisi sanaladi. Qon bosimini me`yorlashtirib, yurak hamda me`da-ichak tizimi faoliyatini yaxshilaydi. Uni muntazam iste`mol qilish bilan ko`krak bezi saratonining oldini olish mumkin.
Zig`ir yog`i — homiladorlar taomida, albatta, bo`lgani ma`qul. Chunki uning tarkibida homila miyasi yaxshi rivojlanishini ta`minlaydigan “Omega-3” yog` kislotalari mavjud. Yana uni muntazam iste`mol qilish insult xavfini 40%ga kamaytirar ekan.
Paxta yog`i — ommabop va nisbatan arzon sanaladi. Foydali vitaminlarga boy. Oshqozon-ichak faoliyatini yaxshilaydi.
Kunjut yog`i — shirin ta`mli ushbu yog` vitamin, kalsiy va rux moddasiga boy. Yurak qon-tomir tizimi va osteoporoz kasalliklariga davo hisoblanadi.
Qovoq urug`i yog`i — tarkibida oqsil, pektin va selen moddalari ko`p bo`lgani uchun buyrak kasalliklariga davo. Zaytun yog`i bilan qo`shilganida foydalilik jihati yanada oshadi.
Makkajo`xori yog`i — vitaminlarga boy. Me`da-ichak tizimi faoliyatini yaxshilaydi, qon tarkibidagi xolesterin miqdorini kamaytirishga yordam beradi.
Kokos yog`i — ayollarni yoshartirishga yordam beradigan laurin kislotasiga boy. Yog`lilik darajasi yuqori. Sifati uzoq vaqt buzilmaydi.
Soya yog`i — hayvon oqsilining o`rnini bosuvchi yagona o`simlik yog`i sanaladi. Asab tizimi uchun munosib ozuqa. Mehnat faolligini oshirishda ham ayni muddao.