2014 yilda olamdan o`tgan mashhur, amerikalik aktyor Robin Uilyamsning 87 dona velosipeddan iborat kolleksiyasi xayriya auksionida 600 ming dollarga sotildi, deb xabar berdi “Russian.rt.com” nashri.
Nashrning ma`lumot berishicha, velosipedlar kolleksiyasini aktyorning farzandlari xayriya auksioniga topshirgan. Velosipedlarning ba`zilari aktyorning shaxsiy istagiga binoan maxsus yasalgan. Eng qimmat lot — Master Pista markasiga tegishli, La Carrera Futura 2000 modeli esa — 40 ming dollardan ortiqqa sotilgan.
Xayriya auksionidan tushgan pullar ikki xayriya fondiga o`tkazilgan.
Amerikalik aktyor Robin Uilyams 2014 yilning 11 avgust kuni o`z uyidan o`lik holda topilgan.
