Bulung`urda turar joy binolarini noturar mulk ob`ektiga o`tkazib bermoqchi bo`lgan shaxs ushlandi

Bosh prokuratura huzuridagi Departamentning Bulung`ur tuman bo`limi tomonidan DXX xodimlari bilan hamkorlikda o`tkazilgan tezkor tadbirda fuqaro S.S. fuqaro A.X.ning ishonchiga kirib, unga fuqaro J.R.ga tegishli er maydonida qurilgan turar joy binolarini noturar mulk ob`ektiga o`tkazib berishi evaziga 6 000 AQSh dollarini olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo`zg`atilib, tergov harakatlari o`tkazilmoqda.