Astraxanda 20 dan ortiq odam giyohvandlik va psixotrop preparatlardan zaharlangan, uch kishi vafot etgan. Bu haqda Rossiya OAVlari xabar qilmoqda.
Ma`lum qilinishicha, 20 noyabr kuni kechqurun Rossiya Federasiyasining Astraxan viloyatidagi shahar shifoxonasiga 19 kishi giyohvandlik va psixotrop preparatlardan zaharlanish belgilari bilan yotqizilgan. Mash telegram kanali zaharlanganlar kamida 24 kishi, TASS esa taxminan 20 kishi haqida yozgan.
REN TV va TASS manbalarga tayanib, zaharlanish oqibatida uch kishi halok bo`lganini ma`lum qildi. Mash telegram kanali ham ikki qiz va bir erkakning o`limi haqida yozgan. Qurbonlardan birining jasadi kiraverishda topilgan. Ikkala qiz ham 19 yoshda, erkak esa 29 yoshda edi.
Rossiya Ichki ishlar vazirligi Astraxan viloyatida sintetik narkotiklar partiyasini tarqatishda gumon qilinib, uch nafar xorijlik – Qirg`iziston, O`zbekiston va Tojikiston fuqarolari qo`lga olinganini ma`lum qildi.
Qo`lga olinganlarga nisbatan moddaning 3-qismi "a" bandi bilan jinoyat ishi qo`zg`atilgan. Ushbu modda bo`yicha maksimal mumkin bo`lgan jazo 15 yil qamoqdir. Hibsga olingan uch nafardan ikkitasi aybiga iqror bo`ldi. Ulardan biri pulga muhtojligi uchun giyohvand moddalar savdosi bilan shug`ullanganini aytgan.
