Isroilning G`azo sektoriga 7 oktyabrdan beri uyushtirgan hujumlari natijasida qurbon bo`lganlar soni 14 854 kishiga etdi, deb xabar berdi G`azo hukumati matbuot xizmati.
Hisobotga ko`ra, hujumlar qurbonlari orasida 6150 dan ortiq bola va 4 ming ayol bor.
Yaradorlar soni 36 mingdan oshdi, ularning 75 foizi bolalar va ayollardir.
7 mingdan ortiq odam bedarak yo`qolganlar ro`yxatida, jumladan vayronalar ostida qolganlar ham bor. Ularning 4700 dan ortig`i ayollar va bolalardir.
