Bugun, 28 noyabr kuni soat 08:15 atrofida Buvayda tumani, “Yangiqadam” M.F.Y hududidan o`tgan “Toshkent-O`sh” avtomobil yo`lida yo`l-transport hodisasi sodir bo`lgan. Bu haqda Farg`ona viloyati IIB JXX YHXB Axborot xizmati xabar bermoqda.
Ma`lum qilinishicha, svotaforning qizil chirog`ida to`xtab turgan Cobalt rusumli avtomobilning ortidan harakatlanib kelayotgan Nexia-2, Tiko va Hyundai Porter rusumli avtomobillar qalin tuman tushgan vaqtda oraliq masofani saqlamaganligi sababli o`zaro to`qnashgan.
Natijada Tiko avtomobili haydovchisi tan jarohati olib shifoxonaga murojaat qilgan.
Ushbu holat yuzasidan Buvayda tumani IIB YXXB tomonidan tergovga qadar tekshiruv harakatlari olib borilmoqda.
