AQShda noma`lum shaxs universitet talabalariga pichoq bilan hujum qildi, deb xabar berdi “Tass.ru” nashri.
AQShning Nyu-Jersi shtatidagi Nyu-Bransuik shahrida joylashgan Ratger universiteti talabalariga noma`lum shaxsning hujum qilishi oqibatida ikki kishi jabrlandi.
Nashrning ma`lum qilishicha, avvaliga universitet ma`muriyati talabalarni va xodimlarni xavfdan ogoh etib, biror joyga yashirinishga chaqirgan. Oradan yarim soat o`tgach, noma`lum shaxs qo`lga olingani e`lon qilingan. Ma`lumotlarga ko`ra, ikki jabrlangan va jinoyatchining o`zi kasalxonaga yotqizilgan.
Voqea yuzasidan polisiya tergov ishlarini boshladi.
