Buxoro viloyati Buxoro shahrida yashovchi 44 yoshli Q.G`. IIOga murojaat qilib, "VISA" bank kartasidan 19 ming AQSh dollari miqdoridagi pul mablag`lari noma`lum shaxs tomonidan firibgarlik yo`li bilan o`zlashtirilganligini ma`lum qilgan.
O`tkazilgan tezkor-qidiruv tadbirlari natijasida, mazkur jinoyatni Buxoro viloyati Buxoro shahrida yashovchi 21 yoshli A.B. sodir etganligi aniqlangan.
Ma`lum qilinishicha, A.B., Q.G`. bilan Telegram’da tanishib, FOREX elektron birjasida pullarini ko`paytirib berishini va`da qilgan. Natijada undan 19 ming AQSh dollari miqdoridagi pul mablag`larini o`tkazib olgan va yozishmalarni o`chirib yuborib, pullarini o`z ehtiyojlariga sarflab yuborgan.
Mazkur holat yuzasidan A.B.ga nisbatan JKning 168-moddasi 3-qismi bilan jinoyat ishi qo`zg`atilib, tezkor-qidiruv harakatlari davom ettirilmoqda.
Eslatib o`tamiz, mazkur jinoiy xatti-harakatlar uchun 5 yildan 8 yilgacha ozodlikdan mahrum qilish jazosi nazarda tutilgan.
