Qozog`istonning Temirtau shahridagi asosiy suv ta`minoti tizimi anomal sovuq sabab muzlab qoldi.
Bu haqda zamon.uz xabar bermoqda.
Ma`lum qilinishicha, shaharning sharqiy qismi ichimlik suvisiz qolgan. Ta`mirlash brigadalari quvurlarni isitishga harakat qilmoqda.
Quvurning 20 metrga yaqin qismi muzlab qolgan.
Fotosuratda isitish magistralidagi kuchlanishning oqibatlari ko`rsatilgan.
Oxirgi kunlarda Qozog`istonda kuzatilayotgan g`ayritabiiy sovuq sabab kommunal xizmatlarda ham turli avariyalar sodir bo`lmoqda. Xususan, 9 dekabr kuni tunda Balxash va Aqtau shaharlarida issiqlik ta`minoti tarmoqlaridagi uzilishlar tufayli ayrim uylar issiqliksiz qolgan, Atirauda esa muzlama sabab suv olish inshootlari to`xtab qolgan va uylarga suv etkazib berishda muammolar yuzaga kelgan.
Shuningdek, Ekibastuz IESda kul quvurida ham nosozlik kuzatilgan. Oqibatda, issiq suv qozon sexi va qozon nasos stansiyasi suv ostida qolgan.
