Soliq to`lovchilar kalendar yilda o`zlari tuzgan nazorat qilinadigan bitimlar to`g`risida soliq organlarini xabardor qilishi shart.
- Soliq kodeksi 182-modda
Xabarnoma yil yakuni bilan yillik moliyaviy hisobotni taqdim etish muddatidan kechiktirmay (15-fevral, 1-mart, 25-mart) yuborilishi lozim.
Biroq, ayrim korxonalar 2022-yilda nazorat qilinadigan bitimlarni tuzgan bo`lsada, bu haqda soliq organini xabardor qilmagan.
Soliq to`lovchilarga Soliq kodeksi bilan belgilangan majburiyatlarini eslatish uchun Soliq qo`mitasi tomonidan takroran eslatma-xabarnomalar yuborilmoqda.
Nazorat qilinadigan bitimlar to`g`risidagi xabarnoma Soliq qo`mitasining my3.soliq.uz sayti orqali yuboriladi.
Xabarnomani soliq organiga yuborish uchun saytdagi shaxsiy kabinetdan quyidagilar ketma-ketlikda tanlanadi:
- Xizmatlar;
- Normativ-huquqiy hujjatlarda soliq ma`murchiligi doirasida ko`zda tutilgan xabarnomalarni davlat soliq xizmati organlariga yuborish;
- Nazorat qilinadigan bitimlar to`g`risida xabarnoma.
Xabarnomani yuborish bo`yicha qo`shimcha savollar yuzaga kelganda Soliq qo`mitasining 71 244-98-09 (ichki raqam: 01879, 01243, 01622, 01620, 01281) telefon raqamlariga qo`ng`iroq qilishingiz mumkin.
