Tashqi mehnat migrasiyasi Qozog`istondagi o`zbekistonliklarni ogohlantirmoqda

Tashqi mehnat migrasiyasi Qozog`istonda bo`lib turgan va tranzit yo`nalishida harakatlanayotgan O`zbekiston fuqarolarini ogohlantirmoqda. 

So`nggi kunlarda Qozog`iston Respublikasining hududlarida ob-havoning keskin sovushi natijasida yo`llarda harakatlanish bilan bog`liq qator noqulayliklar yuzaga kelmoqda.

Shuningdek, yaqin haftalar davomida ham sovuq havo harorati saqlanib qolishi sababli Respublika darajasidagi avtoyo`llarda harakatlanish cheklangan.

Shu munosabat bilan, ushbu davlatda bo`lib turgan O`zbekiston fuqarolaridan yo`llarda harakatlanishda barcha xavfsizlik qoidalariga qat`iy rioya qilishni, xavfsiz transport vositalaridan foydalanishni, zarurat bo`lmaganda uzoq masofali yo`llarda transport vositalarida harakatlanmaslikni so`raymiz, deyiladi xabarda.