Diqqat! Toshkentda maska bilan yuring! Yoki…

Toshkent  so`nggi kunlarda dunyodagi eng iflos shaharlar orasida 4-o`ringa chiqdi. Shahardagi  PM 2.5 miqdori 189 ga chiqqan, bu esa Jahon sog`liqni saqlash tashkiloti tomonidan havo sifati bo`yicha tavsiya etilgan normal me`yordan 25 barobar yuqori degani.

Xalqaro "Havo sifati indeksi" saytining bugungi ma`lumotlariga ko`ra, Toshkent shahri havosida PM 2.5 konsentrasiyasi JSST havo sifatining yillik standartidan 13,4 baravar yuqoriligini ko`rsatdi. 

Tashkilot toshkent aholisiga tashqarida ko`p yurmaslik, iflos havodan saqlanish uchun derazalarni yopish, maska taqish hamda havo tozalagichlardan foydalanishni tavsiya etmoqda.

O`zGidromet bergan ma`lumotlarga ko`ra, poytaxt havosining soat 9:00-10:00 oralig`ida mayda chang zarralari bilan ifloslanishi quyidagicha:

Chilonzor tumani Xalqlar do`stligi maydonida — 9 mkg/m3;
Yunusobod tumani “Bodomzor” yo`lida — 8 mkg/m3; 
Yunusobod tumani  5-mavzeda ( AQSh elchixonasi hududi) — 85 mkg/m3. 

Ushbu hududlarda havodagi chang miqdori PM 2,5 ko`rsatkichi bo`yicha havoning o`rtacha darajadagi ifloslanish toifasiga kiradi.