Turkiyaning Chanakkale shahrida fohishalik uyushtirgani va O`zbekistondan qizlarni Turkiyadagi fohishaxonalarga etkazib bergani uchun Interpol tomonidan qizil ogohlantirish bilan qidiruvga berilgan “Madam Klod” laqabli O`zbekiston fuqarosi Nilufar Mirxonova qo`lga olingani haqida xabar berilgan edi.
Ma`lum qilinishicha, u joriy yilning 10 yanvar kuni O`zbekiston Respublikasining Istanbul shahridagi Bosh konsulxonasi xodimlari ishtirokida Istanbul xalqaro aeropotidan O`zbekistonga deportasiya qilindi.
Ushbu shaxsning xatti-harakatlaridan jabr ko`rgan fuqarolardan O`zbekiston Respublikasining Istanbul shahridagi Bosh konsulxonasiga yoki O`zbekiston Respublikasi Ichki ishlar vazirligiga murojaat qilish so`ralmoqda.
