Туркиянинг Чанаккале шаҳрида фоҳишалик уюштиргани ва Ўзбекистондан қизларни Туркиядаги фоҳишахоналарга етказиб бергани учун Интерпол томонидан қизил огоҳлантириш билан қидирувга берилган “Мадам Клод” лақабли Ўзбекистон фуқароси Нилуфар Мирхонова қўлга олингани ҳақида хабар берилган эди.
Маълум бўлишича, Клод хоним 15 кун олдин Туркия фуқаролигини олиш учун туркиялик дўкондор М.Шга турмушга чиққан, куёвбола эса содир бўлган ишдан ҳайратда.
"Биз у билан анча вақтдан бери бирга эдик, мен шокдаман. Мен унинг Интерпол томонидан қидирувда эканлигини билмасдим, биз ёзда тўй қилмоқчи бўлиб тургандик", дейди туркиялик эркак.
Мирхонова Россия, Беларус, Қирғизистон, Туркманистон ва Ўзбекистондан кўплаб аёлларни Туркияга ноқонуний олиб келиб, фоҳишахоналарга жойлаштиргани аниқланган.
