Turkiyaning Erzinjon viloyatidagi oltin konida tosh qulab tushdi, deya xabar bermoqda Sondakika telekanali.
Mamlakat Ichki ishlar vazirligi rahbari Ali Erlikayaga tayanib xabar qilgan NTV telekanaliga ko`ra, kondagi 667 ishchidan “9 nafari haqida hech qanday ma`lumot yo`q”. Ularni qidirishda 400 nafar qutqaruvchi ishtirok etmoqda.
"Odamlar er ostida qolishi mumkin, ularning soni hali noma`lum", - deya qo`shimcha qildi viloyat gubernatori Hamza Aydo`g`du.
Turkiya Adliya vazirligi rahbari Yilmaz Tunchning ta`kidlashicha, hodisa yuzasidan ma`muriy tergov boshlangan va uni to`rt nafar prokuror olib bormoqda.
Tosh qulashi sodir bo`lgan Chepler koni Erzinjon viloyatining Ilich shahridan sakkiz kilometr uzoqlikda joylashgan. U 2010 yildan beri ishlab chiqilmoqda va Anagold Mining Industry and Trade tomonidan boshqariladi. 2022 yilda konda siyanid chiqishi qayd etildi, ammo avariya oqibatlari tezda bartaraf etildi.
Tosh qulashi ortidan kompaniya bayonot berdi, unda "bu fojiali hodisa oqibatlarini minimallashtirish uchun barcha zarur choralarni ko`rishga" va`da berdi.
