Туркиянинг Эрзинжон вилоятидаги олтин конида тош қулаб тушди, дея хабар бермоқда Сондакика телеканали.
Мамлакат Ички ишлар вазирлиги раҳбари Али Эрликаяга таяниб хабар қилган НТВ телеканалига кўра, кондаги 667 ишчидан “9 нафари ҳақида ҳеч қандай маълумот йўқ”. Уларни қидиришда 400 нафар қутқарувчи иштирок этмоқда.
"Одамлар ер остида қолиши мумкин, уларнинг сони ҳали номаълум", - дея қўшимча қилди вилоят губернатори Ҳамза Айдўғду.
Туркия Адлия вазирлиги раҳбари Йилмаз Тунчнинг таъкидлашича, ҳодиса юзасидан маъмурий тергов бошланган ва уни тўрт нафар прокурор олиб бормоқда.
Тош қулаши содир бўлган Чеплер кони Эрзинжон вилоятининг Илич шаҳридан саккиз километр узоқликда жойлашган. У 2010 йилдан бери ишлаб чиқилмоқда ва Anagold Mining Industry and Trade томонидан бошқарилади. 2022 йилда конда сиянид чиқиши қайд этилди, аммо авария оқибатлари тезда бартараф этилди.
Тош қулаши ортидан компания баёнот берди, унда "бу фожиали ҳодиса оқибатларини минималлаштириш учун барча зарур чораларни кўришга" ваъда берди.
