Germaniyaning Mercedes-Benz avtomobil ishlab chiqaruvchisi potensial yong`in xavfi tufayli dunyo bo`ylab 250 mingga yaqin avtomobillarini qaytarib oladi.
Germaniya Federal avtotransport boshqarmasi ma`lumotlariga ko`ra, Germaniyaning o`zida 37 mingdan ortiq avtomobil qaytarib olinishi kerak.
Gap 2023 yilda chiqarilgan AMG GT, C-Class, CLE, E-Class, EQE, EQS, GLC, S-Class va SL modellari haqida bormoqda.
Germaniyaning DPA agentligi xabar berishicha, ehtiyot chorasi sifatida Mercedes-Benz yong`in xavfi ostida bo`lgan avtomobillarning ayrim ehtiyot qismlarini bepul almashtiradi. Uskunaga qarab almashtirish 2 dan 5,5 soatgacha davom etadi.
