Германиянинг Mercedes-Benz автомобил ишлаб чиқарувчиси потенциал ёнғин хавфи туфайли дунё бўйлаб 250 мингга яқин автомобилларини қайтариб олади.
Германия Федерал автотранспорт бошқармаси маълумотларига кўра, Германиянинг ўзида 37 мингдан ортиқ автомобил қайтариб олиниши керак.
Гап 2023 йилда чиқарилган AMG GT, C-Class, CLE, E-Class, EQE, EQS, GLC, S-Class ва SL моделлари ҳақида бормоқда.
Германиянинг DPA агентлиги хабар беришича, эҳтиёт чораси сифатида Mercedes-Benz ёнғин хавфи остида бўлган автомобилларнинг айрим эҳтиёт қисмларини бепул алмаштиради. Ускунага қараб алмаштириш 2 дан 5,5 соатгача давом этади.
